在家照顧抑或留在院舍照顧較好？

其實一直都在思考要不要帶媽媽回家住這個問題⋯⋯

一大堆Pros and Cons 在腦海一直纏繞著，除左考慮屋企的家居安全同埋照顧安排，就係最令人頭痛的行為問題。

認知障礙（在台灣稱為失智症）患者腦部因疾病令腦神經或局部區域受到破壞，而產生如時而激動，時而抑鬱呆滯、抗拒、誤解，和總在回憶過去的行為問題，對而家發生的事情不理解。

而呢啲行為同情緒問題一旦出現，無論屋企人點講，佢都堅持自己係岩既，唔願意瞓覺、成日重覆問問題、要人地做到佢要做既野先肯擺休（而好多時候呢啲野係無辦法做到，例如叫仙逝的親人前來探望，不是不為也是不能也）。每次行為問題出現，都會搞到大家情緒很糟糕。但係每次我上到院舍見到我媽被所謂安全約束唔准隨便落床走動又於心不忍。