第一堂言語治療課,治療師試了我地帶去的凝固粉,就係普遍在市場可以找到的「布甸狀」凝固粉。因為我媽一直吞唔到,覺得唔係好岩佢用。於是治療師決定轉另一隻啫喱狀嘅凝固粉吞樂美,睇下會唔會吞得好啲。
![Toromeal Thickener Made in Japan](https://i0.wp.com/www.dementiamama.com.hk/wp-content/uploads/2017/07/waterjellyleflet-e1500533503225-225x300.jpg?resize=225%2C300&ssl=1)
![water-jelly-leflet-back](https://i1.wp.com/www.dementiamama.com.hk/wp-content/uploads/2017/07/waterjellyleflet_back.jpg?resize=225%2C300&ssl=1)
治療師話,呢款係新嘅凝固粉,岩岩有入口商賣,可以去張單張背面嘅零售點買,叫我地去醫院間社企買黎試,100g賣大約$90,但就只有100g罐裝,冇補充裝。100g大約三、四日就用晒啦,於是我跟住單張提供嘅藥房搵,點知搵左好多間都話無賣呢隻牌子。呃人嘅,嬲。唯有去返代理個度買,500g 會員價$324,平過罐裝少少。但係下下最近都要出到紅磡買,真係好唔方便,一次買幾包又太重。
於是,哈,平日網購得多終於有用處。既然日本製造,就梗係去日本買啦!因用量較大,所以揀左2KG裝,啱晒我呢啲用得多、用得快嘅用家,而且慳好多。
如果大家同我一樣用量好大,又想買得經濟啲,不妨可以去我個商店睇睇,貨品上左架喇,請按我!希望方便到大家!
![water-jelly-2KG](https://i0.wp.com/www.dementiamama.com.hk/wp-content/uploads/2017/07/waterjelly2KG.jpg?resize=678%2C904&ssl=1)
![](https://i1.wp.com/www.dementiamama.com.hk/wp-content/uploads/2017/07/toromeal_2.jpg?resize=678%2C509&ssl=1)
而家除左吞樂美,雀巢亦都推出左黃膠成份嘅清透配方凝固粉,可以有多個選擇。如果大家想了解多啲,可以參考《凝固粉可以點揀?》!
終於俾我搵到買「吞樂美」最抵嘅方法!