「暖心月餅」試食報告開心share! :) (多圖)

聽日就係中秋節喇！今年見市面上，有款為吞嚥困難人士而整嘅專屬月餅，一於買黎試下，試食報告開心share！

今年煤氣公司同聖雅各福群會合作，希望吞嚥困難患者都可以同常人分享中秋美食嘅樂趣，因而出左蒸熱食嘅月餅。有4款口味，分別喺紫薯紅豆、綠茶紅豆、朱古力奶皇及甘薯奶皇。其實都幾好賣，得返綠茶紅豆同甘薯奶皇兩種口味揀，今次試食甘薯奶皇～

買返屋企之後，要解凍月餅，食用方法喺以中小火蒸熱廿分鐘。脫模後，就將呢舊印有煤氣公司標誌、淡黃色嘅月餅擺上碟蒸。

本身食用說明話要蒸二十分鐘，但我蒸左十分鐘就出左水。用筷子篤下，淋晒，熄火。

個月餅蒸出黎好香蕃薯味，香香甜甜的，又容易吞，我媽食得好開心。XD

多謝《大人》有咁好嘅推介，大家有興趣可以去以下銷售點買～～～所得款項將全數撥捐予聖雅各福群會，用作支持其有關吞嚥困難的公眾教育工作，以幫助更多吞嚥困難患者及喚醒公眾對他們的關注。