千奇百趣,奇招預防流感肺炎

成日去院舍探訪嘅朋友可能會有類似經驗:成日病。
所以,探訪果陣好多家屬都會自備口罩。

環境密集

院舍住左好多老人家,居住環境密集,佢地身體可能有不同的慢性病,抵抗力不太好。尤其在流感高峰期,老人家更加容易病。家屬戴口罩一黎保護自己不被傳染,二黎保護院友,避免自己帶左外面病毒入院舍。但係,住院舍嘅老人家,唔通24小時都戴口罩?

成日去院舍探訪嘅朋友可能會有類似經驗:成日病。

接種疫苗

每年大約9月到10月,政府會有相關宣傳,65歲以上老人家可以免費接種流感疫苗,有多次感染肺炎的老人家也可以同時接種13架肺炎鏈球菌疫苗。接種疫苗是預防疾病嘅最好方法。詳情請參考:政府疫苗資助計劃

 

奇招一:防肺炎,需要時吃化痰丸

吞嚥困難嘅長者,食嘢容易會落錯隔,食物或水會誤入肺部導致吸入性肺炎。我媽成日都好似有痰阻住呼吸咁,多次因為肺炎出入醫院。每次肺炎隔多一排,又會再因肺炎入院,身體狀況不太好。院友家屬教路,如果發現老人家喉嚨成日有舊痰咁,最好睇醫生,遇上特別日子睇唔切醫生,可以食住化痰丸先,有助減少患上肺炎機會。不過吃化痰丸唔係長治方法,有病一定要睇醫生,中醫都一樣得架!

院友家屬教路,如果發現老人家喉嚨成日有舊痰咁,最好睇醫生,遇上特別日子睇唔切醫生可以食住化痰丸,有助減少患上肺炎機會。

奇招二:空氣多菌自救法

院舍環境細菌多,而且長年關窗開冷氣/暖氣,通風不足,而且老人家在院舍房間內換完尿片後,焗住屎屎尿尿氣味,我企一陣都覺得難受,何況住院老人家日日長時間留在房間,默默忍受。忍還可以,最弊細菌懸浮在空氣,成日病。

空氣殺菌機,以高溫消毒空氣。放院舍嘅貴重物要自己鎖好。

我曾經放室內淨味香薰,但係空間大,遮唔曬啲味,效果唔太顯著,又冇殺菌功用。後來朋友建議我買返部室內空氣殺菌消毒機,好多診所裝呢部機除菌除味。院舍環境同診所環境相似之處:密集、空間不流通、多細菌,於是我買左呢部 Air Free p150。而家用左部機兩年,24小時長開,部機將空氣用200度高溫消毒,可能心理作用,的確空氣無咁難聞。大家注意返,用過濾網的空氣清新機殺菌功能不高,而且要成日換濾網。如要放院舍的,一定要揀診所用空氣殺菌消毒機。

以上所講嘅奇招效果因人而異,只供參考,預防流感接種疫苗最實際!

千奇百趣,奇招預防流感肺炎
分享此文:

You May Also Like