認知障礙家居設計,大學問!

家居安全對長者十分重要,光潔明淨安全的空間減少長者跌倒機會,而對於有認知障礙嘅長者,除左居家安全外,環境顏色、氣氛、光暗、擺設,對佢地都有好大嘅影響。 有咩資源可以幫到手?

改善家居及社區照顧服務

社會福利署「改善家居及社區照顧服務」(資料圖片)

社署嘅「改善家居及社區照顧服務」,在家居安全方面提供「家居環境安全評估及改善建議」。根據社署網站資料,服務對象係60-64歲有需要及年滿65歲或以上嘅長者,並評定為身體機能達中度或嚴重程度缺損,可以參加計劃。有需要可以到社署網站參考詳情,然後聯絡屋企附近嘅「改善家居及社區照顧服務隊名單」,但輪候需時,一般需要等幾個月,未必適合屋企有逼切需要嘅人士。呢個計劃俾中度或嚴重程度缺損長者參加,身體健壯或者只有小毛病長者想改善家居安全,或者認知障礙患者想透過改善家居有更好嘅生活質素,呢個計劃就唔太適用。(如有錯誤請指正🙏)

點樣營造一個認知障礙長者嘅友善家居?網上出左好多實用資訊可以參考,坊間亦有越來越多機構可以幫手。

政府衛生署網站

政府衛生署網站做左個認知障礙症專題,其中一部分介紹認知障礙症患者的家居環境設計,網站有簡單講環境設計要點,上面的短片則在生活環境小細節作出改善。

賽馬會耆智園網站

賽馬會耆智園網站。題外話,呢個網站除左家居安全,其他照顧資訊都非常實用。(資料圖片)

如果想清晰易明,賽馬會耆智園嘅網站圖文並荗,講解家居安全每一個設計用意和解釋背後原因。睇完明白左好多設計嘅用意。由牆身的顏色、地磚的選用、每一件傢私、電器,點樣揀都有原因,如果要自己計劃屋企家居環境改裝,呢個網頁好有參考價值。大家有需要可以聯絡佢地做家居安全評估。

房協長者安居資源中心

如果想知道點樣可實踐出黎,可以去房協長者安居資源中心「智友善家居探知館」,非常推介!大家可以報名參加佢地嘅導賞團。導賞員從生活細節、客廳、飯廳、廁所、廚房、睡房逐一講解環境安全、設計要點,而且費用全免。

參加導賞團會有職員講解設計要點、注意事項。

幾個不同的show room

安全設施有實物可以參考。

講解裝修要點整,同埋安全工具運用。

對認知障礙症患者,顏色的刺激有助佢地辨別唔環境,所以馬桶廁版和沖涼凳用左唔同顏色。

貼相,辨別自己的用品,小小生活智慧。

廚房

升降廚櫃,坐輪椅嘅老友記都可以容易拎到需要嘅物件。

客廳

認知障礙患者對時間、地點可能會比較模糊,客廳擺放有日期時間顯示的大鐘、日曆,有助認知導向。電話印有家人相片有助辨認,當眼位置貼上家人電話方便搵家人。

梳化裝扶手枱,幫助坐低起身。

睡房

衣櫃用試透明玻璃,一目了然,唔洗四圍搵。

推介大家參觀!有問題可以問,職員會解答。而且如果有需要購買家居安全用品(例如:扶手、沖涼椅、電動牀)佢哋會俾店號地址電話價錢,以供參考。

房協長者安居資源中心仲設有職業治療師諮詢服有需要可以預約,也是免費的,要提早預約啊!

如果都唔想煩,可以搵社企幫手,長屋設計幫到你。

認知障礙家居設計,大學問!
分享此文:

You May Also Like