食物勾起回憶,不單單在咀嚼

我問:「啲嘢好唔好食架?」

阿媽有時點頭,有時搖頭 。好又一餐唔好又一餐,佢會將一餐好好完成。

日常的一餐,有時好食啲,有時冇咁好食。

因不同的疾病,例如中風、認知障礙症、癌症、老化、手術,會有唔同程度吞嚥咀嚼障礙,正常食物質地可能變得太硬,需要改食軟飯軟餸。我媽也有吞嚥困難,經過言語治療師診治,情況已經大大改善。佢而家唔食蛋,所以每餐軟餸都是蒸龍俐魚柳。我媽食飯,總係望我或者周圍望,佢好少望住有咩餸,然後用匙一大匙一大匙送入口。起初我以為好食,一聞,嘩!原來一大匙一大匙食唔係津津有味,只係填飽個肚。

睇《大人》雜誌,認識到「介護食」(非打手,呢本雜誌介紹實用照顧資訊,好雜誌值得推介)

睇《大人》雜誌,認識到日本因應高齡化,推出左「介護食」俾一啲有吞嚥或咀嚼困難的人,食物質地變稔變軟,但唔影響食物色香味,食得滋味。(非打手,呢本雜誌介紹實用照顧資訊,好雜誌值得推介)我錯過左試食會,諗住去社企買,點知社企都冇賣了。平日除左帶湯,帶點心(點心唔係樣樣食到),都想帶下其他食物,有返少少吃的樂趣,呢個會係個唔錯選擇。

日本農林水產省Smile Care Food分類標籤。

於是自己搵下資料,「日本農林水產省」已經把不同程度吞嚥障礙分類,為「介護食」制定 “Smile Care Food” 標籤。第一類係藍色標籤,呢類食物比可以正常飲食但營養攝取不足嘅人。第二類係黃色標籤,細分幾類包括「容易咬爛的食物」、「可以用牙齦咬爛的食物」、「可以用舌頭壓爛的食物」,同埋「不需要咬的食物」。第三類就係紅色標籤,含有豐富營養的泥狀食物、慕絲狀食物,同埋啫哩狀食物。

參考資料:
日本農林水產省Smile Care Food Label介紹 (英文版本)
官網還提供產品一覽:藍色標籤黃色標籤紅色標籤

而「日本介護食品協議会」(Japan Care Food Conference)則將介護食主要分為四個類別(区分):「容易咬爛的食物」、「可以用牙齦咬爛的食物」、「可以用舌頭壓爛的食物」,同埋「不需要咬的食物」。約定俗成,大部分製作「介護食」的商戶,是根據「日本介護食品協議会」制定的指引分類,比較簡單清晰。

日本介護食品協議会將介護食主要分為四個類別:「容易咬爛的食物」、「可以用牙齦咬爛的食物」、「可以用舌頭壓爛的食物」,同埋「不需要咬的食物」。(按圖放大)

有左標籤就容易買喇!我媽應該屬於黃色標籤,一於訂返黎試下!

在日本,好多香港人熟悉的牌子,都有沾手做「介護食」,日清、Asahi、丘比等等(網頁截圖)
隨意舉例,仲有其他唔同牌子。(網頁截圖)
好似好好味咁
連中華料理都有!!!(網頁截圖)

啊⋯⋯ 唔覺唔覺入左好多貨,有時間做試食報告比大家睇啦!除了買現成介護食,還可以在家製作。食得知味,食物勾起嘅回憶,不單單在咀嚼,亦在細味人生。

如果大家有興趣想試,可以去商店睇下啊!

延伸閱讀:

介護食開箱!試食南瓜湯、忌廉燉雞肉、咖哩烏冬麵、三文魚雜菜飯

介護食創意新食法,mix and match!

食物勾起回憶,不單單在咀嚼
分享此文:

You May Also Like